متلازمات الحاج أبو جمال

موضوع المتلازمات دة شكله لعب فى دماغ ناس كتير مع إنى و بكل صراحة قللت قوى من الجرعة

الحاج أبو جمال أرسل بعض المتلازمات معظمها كانت فكرته كاتبها كادرافت و جيه هوه و كأنه عارف كل اللى فى دماغى علشان كدة حابب أنشرهاله علشان ما تضيعش كدة فى الفضاء السيبرى من غير لازمة

التدوين

صلاة جنازة يؤمها المرحوم نفسه

الصحافة الشعبية الآليكترونية الآن

نجومية من لا يستحقون اختطفوها ممن عجزوا عن الوصول إليها، وكله على حساب الحقيقة والوعى اللى هما أساس مهنة الصحافة

أشعار أبو جمال

قمامة لم تجد لها سلة مهملات فكان الفيس بوك خير مكان لإيداعها

إدعاء الفحولة الجنسية

عادة سرية تدوينية يمارسها خمسه وتسعين فى الميه من شباب المدونين المحرومين

كتابات نايل الطوخى

شبهه، صعبة تعرف هى إيه بالظبط ورايحه فين، وبتلف وتدور عشان إيه بس بتلاقى نفسك خلصتها

كليبات وائل عباس

خاذوق مغري مقاس حكومة بحالها كاد أن يدخل فى صاحبه شخصيا وربنا يستر

التدوين بالانجليزية عن أحوالنا دهيه

بلاغ دائم لجمعيات الدفاع عن حقوق الحيوانات فى العالم باعتبار الانسان المصرى حيوان... وابن كلب كمان فى نظر الحكومة

التدوين بالانجليزية تانى

تعريص لاتينى يجيده من يعرفون الخواجه عايز إيه بالظبط

التدوين عن الجنس ماركة بيسو

شئ عجيب يشبه انتصاب ذكر الخول عند سماعه أغنيه لمطرب إسمه يوسيف

مدونات الناشرين وفيسبوكاتهم

فخ منصوب للعبيط يقع فيه غالبا الأذكياء

المرور اليومى على جبهة التهييس الشعبية

أصلع مصر إصرار بات أن يفرق له الحلاق الأوصه من النص عشان ما تخبيش عينيه

عزبة الحاج أبو جمال

اليوتوبيا التى افتقدها كلما رأيت صورة منشورة للكابتن جمال ومعرصيه أقصد معاصريه

مدونات الإخوان

مظاهرة سياسية ضلت طريقها لاستاد كورة يقام فيه ماتش بين الاهلى والزمالك

قراءة كل المجلات الخاصة بالمراهقين

نزوة إمراءة فى الخمسين تقبل المرآه لتستدعى بها شعورها بأول قبلة فى حياتها

آباء التدوين العظام دون ذكر أسماء

صيع أعادت تشكيلهم مغامرة تافهة قلبت بجد فصارو صيع برضه لكن أضيفت إليهم نجومية لطيفة وبعضهم صار فقيها نتيا تافها وقلة منهم أدركت أنها لابد وأن تصير شيئا فأقلعت عن التدوين

مدونة جيمى هود

أجمل صندوق زباله يمكن أن تستخرج منه أشياء مفيده تلهو بها

سورى يا جيمى خبطت فى الكل وماكانش فاضل غيرك استحمل شويه

نشكر الحاج أبو جمال على متلازماته اللذيذة و يجعله عامر