قبل ما نتهم جوجل
كل ما افتح مدونة الاقى شكاوى ضد جوجل و خدماته و بالأخص بلوجر و اليوتيوب
بالنسبة لخدمة المدونات
لا يوجد سبب واحد ضد اى مدونة من الثلاثى المدعى بظلم جوجل تجاههم و تعسفه ضدهم اللى أدى لألغاء مدوناتهم على حد قولهم
خلينا كدة بالراحة و على أسوأ ... مدوناتكم دى فيها جنس ؟ طيب ما بلوجر فيه ملاين المدونات اللى فيها محتوى جنسى و مدونات البورنو الصريح ؟ مدوناتكم فيها كلام عنصرى ؟ ثلاثة ارباع المدونات على بلوجر فيهم نفس المحتوى و أكثر انتهاكات فيها إزدراء اديان ؟؟ دة موجود فى مدونات كتير جدا و أكيد المدونات دى مش هاتقلب نظام الحكم بكرة علشان كدة الحكومة المصرية طلبت انهم يتلغوا
قبل الهجوم و مطالبة الجميع بترك الخدمة على بلوجر .. يا ريت الناس تقرى الاول سياسة الاستخدام و الممنوع و المرغوب من قبل الشركة ... كمان خدمة بلوجر مرتبطة بميل و بخدمات تانيه كتير مرتبطة بنفس الاكونت و اكيد فى مليون سبب غير ان جوجل حاجة الناس دى فى دماغها
اما بالنسبة لليوتيوب : الناس تحط المحتوى المخالف و عارفين انه مخالف و ادارة الموقع تحذفه و بعد كدة يصوتوا انا مش فاهم فى ايه بصراحة ما
الكل عايش بنظرية المؤامرة و لا و مؤامرة دولية كمان ... يا ريت قبل ما تتنظم الحملات اننا نسيب جوجل و اننا نسب فى اللى جابوه يا ريت الناس تتقل كدة و تقرى الاول شروط الخدمة قبل استخدامها
.jpg)
أيوة يا جيمى لما تكون الفيديوهات و المدونات مؤثرة, الحكومات بتخاطب جوجل لحذفها وفيديوهات وائل عباس خير دليل
ردحذفغالبا مش الحكومات مباشرة، يكفي أن أفراد من الأمن أو مدفوعين منه يبلغوا أن المستخدم يسيئ استخدام الخدمة و يضطرهم لمراجعة المحتوى المنشور و يعطلوا الخدمة شوية. دا محتمل.
ردحذفدا ما يمنعش أن المحتوى ممكن يكون مخالف لشروط الاستخدام فعلا، لكن عادة مقدمي الخدمة مش بياخدو بالهم إلا من المستخدم ال فيه حد بلغ عنه من دون الملايين الباقيين، و الشروط دي أساسا لحماية مقدم الخدمة من أن حد يرفع عليهم دعاوي لأنهم بيسمحوا بكراهية أو عنف أو جنس..حسب يعني.
من اجل مصر
ردحذفشارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
جيمي بيتكلم صح مية المية
ردحذفبالنسبة لكلام الف
متنساش ان افيديوهات بتاعت وائل عباس
اتفرج عليها ملايين منهم ناس اجانب مش من مصر ولا من اي حتة و دول ممكن يشوفوا المخالفة لشروط الاستخدام الي انت بتتكلم عليها دي و يعمل ربورت
مش لازم يبقي الامن و الكلام ده كله
لان متنساش ان اسهل حاجة في الدنيا ان احنا كل ما هما يرفعوا الفيديو انت ممكن
تعملوا يبلود تاني
أنا ما قلتش لازم يكون الأمن يا مجهول، قلت ممكن.
ردحذفممكن طبعا يكون أي حد بيبلغ بدافع شخصي..مفقوع من وائل مثلا، و دول كثير زي ما احنا عارفين..أو حتى شخص بيمثل علينا أن مشاعره رقيقة و اتجرحت
أما الخواجات فما أظنش أنهم هيتعبوا نفسهم و يدوروا على فيديو ما يهمهمش كثير علشان يبلغوا عنه. لكن حتى دا مش مستحيل، إنما في رأيي أنه احتمال أضعف.
يا غربية
ردحذفانا قعدت مع الناس فى جوجل و شرحولى سياسيتهم فى اليوتيوب و آليه العمل هناك
بتتم كالتالى
فى ناس مسئولين قاعدين لمجرد انهم يشوفوا الفيديو الاول بيشوفوا الاسم و الوصف
و هما قالوا لو كان الوصف باللغة العربية بيبقى صعب على المراقب انه يعرف محتوى الفيلم ان كان حقوقى من عدمه علشان كدة بيشوف انه خطاب كراهيه و بيحذفه
و هما بنفسهم فتحوا الحوار على وائل بصفة ان المجموعة كانت مصرية فبيحكلنا على واحد مصرى وقال ان وصف الفيديو هوه بيحطه بالعربى فصعب جدا ان يتعرف محتوى الفيديو دة ايه
انا كمان الاكونت بتاعى مقفول وواخد عقوبة اسبوعين علشان حطيت فيديوهات سيناء و الجثث و كنت عارف ان دة هايحصل بس كنت عايز اوريهم لاكبر عدد و عارف انهم هايتمسحوا و هاخد عقوبة
انا ماليش دعوة بغيري
ردحذفانا مش فاهمة جوجل بتراجع المدونة بتاعتي ليه؟
وح يفهموها ازاي دي بالعامية المصرية
حد عمل فلاج على مدونتي؟
طب انا لا عندي بيدوفيليا (جنس الاطفال) اللي مالي جوجل
ولا عندي عنصرية
واللي مالية جوجل برضه
طب كل ده بيراجعوا في ايه؟
ومش بيردوا عليا ليه لما بابعت لهم...قاطعين الجوابات خالص
انا ما اتكلمتش عن نظرية المؤامرة انا عايزة افهم هم بيعملوا كده ليه؟
المدونات اللي اتلغت خالص
فيه احتمال ان حد يكون عمل هاك عليها
لكن مدونتي بيطلع للزوار رسالة من قوقل
وهم قوقل وما يستاهلوش احسن من الاسم ده
وعلى فكرة انا مش شاكة في الامن خالص ولا جبت سيرة الامن بالنوسبة لي
ردحذفالامن يقدر يحجبها زي ما هو عايز
وبعدين الامن يحجبها ليه؟
انتى مشكلة مدونتك الرئيسية
ردحذفانك بتكتبى كتير جدا جدا جدا
و بفواصل زمنية قليلة جدا جدا جدا
انتى نقلتى على ورد بريس
مش هاتشوفى العذاب بقة
دة انتى هاتشوفى الويل و هابقى افكرك
لان دة مجتمع صغير اصغر من جوجل و كمان عندهم سياسة استخدام قاسية جدا