قل لى نوع شيبسيك ايه أقول لك من أنت ؟

لو كانت اجابتك

شيبسى : فانت اصولى جدا متمسك بالاصالة و العراقة و التاريخ و عندك ميول وطنية من نوع ما .

لايز : شخص مغامر محب للسفر .. ببساطة لان لايز بطل يتباع فى مصر .

برينجلز : انت غنى و مرفه و رقيق المشاعر كرقائق البرنجلز الشهيه تميل للخروج و الفسحه معظم الاحيان فى الهايبر ماركتس و اون ذا رن .

لاينز : محب للمجهود البدنى الزائد و ميل عنيف للتنطيط و العفرته .. صدقنى مش كل اللى بيحصل فى الاعلان حقيقى.

روتيتو : مراهق صغير السن .. ثائر على الاوضاع .. مثلك الاعلى اكيد تامر حسنى .

صواريخ بطاطس عم عبدو : انت فى ثانوى و بتزوغ من المدرسة .. ماتقلقش مرحلة بطاطس و كلنا بنعدى عليها .

شيبسيكو : انت مش اوريجينال خالص و بتظيط فى الزيطة و التلفزيون بيلعب فى دماغك يا حلاوة .. م الاخر انت شاب فضائيات

دوريتوس : لو كانت اجابتك دوريتوس فانت محدث نعمه .. و مش عارف تفرق بين سناكس مقرمشات الذرة و الشيبس

كرانشى : لو اجابتك كانت كرانشى فانت هجاص و مابتاكلش بطاطس  .. لان شيبسى و كرانشى بقوا شركة واحدة


- موتيفة الموضوع إهداء من الفنان الفنان الجميل محمد توفيق