الدروس المستفادة من الراجل اللى واقف ورى عمر سليمان

إن كنت إستطعت الوصول لهذه السطور، فأنت بالتأكيد مش بس عارف الراجل اللى واقف ورى عمر سليمان بل ربما شاركت فى تأجج ذلك "الإفيه الثورى" إن لم يكن بالأفكار .. كان بالترويج لها عبر شبكاتك الإجتماعية ليحلق من السماوات الإفتراضية للشارع والقهاوى والجلسات العائلية

حسنا دعك من الراجل اللى واقف ورى عمر سليمان .. أنت تعرف بالتأكيد إفيه كنتاكى والأجندة و إلخ من قائمة الإفيهات الثورية بداية من يوم 25 يناير إلى يومنا هذا

 الإفيه المصرى الحراق دائما ما "بيوحبوك" ولكن"حبكته" غالبا ما تكون مقصورة على دوائر بعينها فهناك إفيهات المناطق الراقية و إفيهات الحوارى وإفيهات مثقفين وسط البلد و إفيهات مدرج الدرجة الثالثة بإستاد القاهرة .. ذلك إذا مانحينا إفيهات الأفلام التى غالبا ماتكون سمجة .. إصطناعية .. و بتاعة وقتها 

الإفيه السياسى "المثقفينى" موجود منذ أواخر عام 2005 إن أردنا الحديث فقط عن بدايات جيل النشاط الإلكترونى، أتذكر العديد من الإفيهات أوقات الإنتخابات الرئاسية وإعتصام القضاة و المعتقلين وإفيهات حركة كفاية سواء الداعمة أو الساخرة منها .. إفيهات مظاهرات سلم النقابة الساخرة فى أغلب الأوقات  .. إفيهات كنا نتبادلها على مقاهى وسط البلد وعبر المدونات والتعليقات فى دوائر مغلقة سرعان ما يرجع كل منا إلى عالمه السابح فى ملكوته و إفيهاته وأحداث، وفى عقله سؤال واحد ياترى مين فى الإثنين الكائنات الفضائية ومين البشر العاديين؟

الغريب هو إنتشار مصطلحات وكلمات كانت تصنف على إنها مصطلحات نخبوية حتى النخاع .. من امثلة لجنة الإعاشة .. و إنت بتقمعنى؟ .. و إنت بتزايد عليا .. إلخ من القائمة اللى بيقولها كل حد جميل و إنسان بجد

إمبارح و عبر شات الفيس بوك فاجئنى أحد أفراد الألتراس مواليد 92 بقوله : إحنا هانتحرك فى المدارس ونطالب بمطالب فئوية .. هى حصلت تحرك و مطالب لأ وإيه ...  فئوية كمان 

 كان كلامه متزامنا مع دردشة خفيفة مع صديقى أسد و سؤاله لى هى الناس دى كانت فين من 30 سنة؟ و مش دى الناس اللى كانت بتضحك علينا ف الشارع لما كنا بنعمل مظاهرات؟

إذن ما الذى حدث ؟؟ الإجابة قد تصل إليها كنتيجة فرعية أثناء بحثك عن إجابة سؤال أكبر .. ما الذى حدث للمصريين مع مطلع فجر 25 يناير؟؟ ولنا فى ذلك بحث شوارعجى كالعادة لما البلد يبان لها نهار واضح

حتى الأن لا أجد توليفه تجمع كل الأفكار اللى بتلعب فى دماغى .. علشان كدة حابب إنى أكتب بشكل مختصر عن كل فكرة بشكل منفصل إلى ان يقضى أمرا كان مفعولا ونجمع كل دة فى شبه ملخص لما بعد 25 يناير

  مايستوقفنى الأن هو ذلك التايم لاين الفريد عبر فيس بوك الذى يتكلم فيه الجميع عن نفس الموضوعات بتناول شبه موحد مع مرور الأيام .. بدأ نخبويا وشعبويا على التوازى إلى مرحلة مابعد الإعتصام بميدان التحرير ليمشى فى خط واحد مستقيم..مستخدمين فيه نفس الإفيهات المنقولة فى أغلب الأوقات لتعبر عن مشاعا إبداعيا ثوريا أتى من مخاض الثورة 

لذلك نستطيع القول إن ماحدث بعد 25 يناير تطورا فريدا فى توحيد "أجندة" الإفيه السياسى لتلتف الجموع الثورية حول "وجبة" واحدة "كومبو" من الحجم العائلى الدسم لكسر عبوس وجه الراجل اللى واقف ورى عمر سليمان .. كنتم مع