قناة التحرير تسرق فكرة برنامجى ..ألتراس
بداية أقدر إبراهيم عيسي "إنسانيا" فأنا صعيدي أراعي العشرة والعيش والملح وفروق السن والمكانة في المقام الأول وماتفرضه علي تربيتي و أخلاقي
كنت قد عملت في جريدة الدستور سنة ٢٠٠٩ لمدة سنة بالتمام والكمال أسست خلالها موقع الجريدة وساعدت علي نشره وإشهاره وعدة آدوار أخري قمت بها خارج هذا الإطار، وتربطني بالجميع علاقات طيبة بعد أن آثرت الرحيل بسبب رفضي حذف تعليق علي حسابي بالفيسبوك به تجريح لأحد كتاب الجريدة مؤمنا بحرية الرأي والتعبير للجميع
وبالرغم من ذلك كنت أكثر المدونين دعما للجريدة في حربها ضد السيد البدوي ورضا إدوارد سواء بالكتابة او التضامن بنقابة الصحفيين
ومن المعروف إنني أحد مؤسسي مجموعة ألتراس مصرية ولي كتابات عن ثقافة الألتراس - وكتاب تحت الطبع- حتي قبل عملي بالدستور بسنوات، مما أدي الي إسناد كتابة موضوعات خاصة بالآلتراس لي علي صفحات الجريدة بالرغم من وجود صحفيين رياضيين بالطبع، وكنت خلالها أعرض لفكرة برنامج تحت أسم "ألتراس" وأبحث عن قناة تقوم علي إنتاجه وتأخر البرنامج نظرا لحملات التشويه الإعلامي للألتراس في هذا الوقت ورفض عدة جهات إنتاج الفكرة لعدم المخاطرة
و في أثناء تواجدي بالمغرب بحكم عملي أرسل لي الزميل والصديق شادي عيسي رسالة عبر فيس بوك يبلغني إنه يحاول الإتصال بي بناء علي طلب إبراهيم عيسي لمقابلتي والحديث عن فكرة برنامج ألتراس ، وبعد شرحي إنني متواجد بالمغرب و أصل قريبا لمصر ، طلب مني إرسال ملخص لفكرة البرنامج للأستاذ إبراهيم عيسي علي إيميله الشخصي
وهو ماقمت به بالفعل بتاريخ ١ مارس ٢٠١١ حيث أرسلت للأستاذ ابراهيم عيسي فكرة البرنامج - اللي هما عارفينها أساسا- بشكل مكثف ومختصر للخطوط العريضة وهدف البرنامج
 |
| أضغط الصورة للحجم الطبيعى |
وبعد رجوعي إلي مصر اتصلت بالفعل بشادي عيسي لتحديد الموعد الذي أجله بحجة ان القناة ستخرج للنور بالبرامج السياسية أولا لقلة الموارد ومشاكل في الإنتاج علي أن يتم الاتصال بي وقت ان تتبدل الظروف، نسيت الموضوع ومع صعود نجم الألتراس في الثورة عرض علي بعض الاصدقاء انتاج البرنامج و إعتذرت لأرتباطي بكلمة لقناة التحرير
الا انني فوجئت بصديق يتصل بي ليبارك علي الظهور القريب للبرنامج متسائلا ان كنت قد قمت ببيع الفكرة وتنازلت عنها لقناة التحرير لأنه مالقيش إسمي في الخبر المنشور عن البرنامج في موقع اليوم السابع والذي كان نصه
تبدأ قناة التحرير، يوم الاثنين المقبل، إذاعة برنامجها الرياضى الجديد "ألتراس"، الذى يقدمه مروان قدرى ويرأس تحريره الصحفى أحمد عويس.
فكرة البرنامج استكمالا للنهج الثورى للقناة بوضع الناس فى دور البطولة وسيلعب "ألتراس" دورا فى نبذ التعصب بين الجماهير، ويخرج من الإطار التقليدى للبرامج الرياضية اليومية فى العديد من القنوات الفضائية، حيث سيكون المشاهد هو المحلل للأخبار والمباريات.
"ألتراس" يذاع يومياً على شاشة قناة التحرير من الساعة 5.30 مساء ولمدة ساعة، يقدمه مروان قدرى ويرأس تحريره أحمد عويس مع فريق إعداد شباب يضم كلاً من بسام أبو بكر وأحمد عبد اللطيف ومحمود عبد الله
آخيرا: أرجوا ملاحظة تطابق الأسم والمحاور الرئيسية لفكرة البرنامج المشار إليها في الرسالة الإليكترونية والخبر الصحفي المنشور عن فكرة البرنامج وأهدافه
ومع العلم ان القائمين علي البرنامج من أكثر الشخصيات كرها من قبل مجموعات الألتراس لما لهم من تاريخ مع الاخبار الملفقة والكاذبة عن الأتراس والتي أشرت إليها عبر الشبكات الإجتماعية حتي أثناء عملي بجريدة الدستور
بداية وقبل أى حديث مهنى أدعو جميع مجموعات الألتراس التى أنا واحد منها ومن جماهير الكرة بشكل عام عدم التعامل مع هذا البرنامج المبنى على السرقة والتلفيق حتى قبل ظهوره و لما نعرفه عن خلفيات القائمين عليه
تحديث : ناس من القناة اتصلوا بالقائم بأعمالها او ايا كانت صفته ونقلوا ان مفيش برنامج زى دة اصلا بيتعمل .. بعدها اتغير الكلام و اتقال انه برنامج رياضى عادى اللى بيتعمل .. ايا كانت الردود وبدون ذكر قائمة مطولة بأسامى الناس المقربين من الطرفين - واللى على مستوى المسئولية والصلة - و اللى أكدوا كلامى وبتفاصيل عن الانتاج .. هدفى إن البرنامج دة يقف قبل ظهوره .. وقد كان .. كنتم مع
.jpg)
ما تسكتش على حقك يا برنس حتى لو وصلت الأمر للقضاء
ردحذفما تسيبش حقك
ردحذفوبجد سقط من نظري إبراهيم عيسي بعد الحركه الزباله دي
أصـلاً البرنامج ده بضـان باللى بيقدموه يعنى متقلقش مش هيبقى جامد أوى لأن اللى بينجح أى برنامج الناس اللى بتقدمه وإنت عارف إن مروان ده محدش بيقبلوا من ساعة ماكان بيعيش صباحه مع كوكاكولا
ردحذفعاوز أقولك حاجة.. إنت عارف إن القناة لسه جديدة وبدأت تجذب الناس خصوصاًلما يكون فيها ناس زى محمود سعد وبلال فضل ونوارة نجم ودول برامجهم سياسية وهى دلوقتى أكثر البرامج مشاهدة (البرامج السياسية بشكل عام) أنا معاك فى حقك ومصر إنك تاخد حقك بأى طريقة ممكنة مع القانون .. بس بفضل إنك متشوهش صورة القناة دلوقتى غير لما تتكلم معاهم وتشوف هتوصل لإيه، لأن اللى عمل كدا أشخاص مش كيان القناة مع إنهم بيعبروا عن القناة وسياستها.. بس أيان كان لازم البرنامج بتاعك يرجعلك ويا إما إنت تقدمه فى القناة ده لو إنت وافقت أصلاً يا إما يقف فى القناة لأن ده إبتذال وقلة زوق .. ربنا يعينك يا صعيــدى xD
الشعب يريد تحرير العقول
ردحذفالشعب يريد تحرير المسروقات
ردحذفقناة التحرير تريد سرقة العقول
ردحذفواضح من كلامك أنك إنسان سىء حتى لو كنت صاحب حق لأن الأدب بيقول إنك تتصل بإبراهيم عيسى و تتبين الأمر وإذا رفض رد الحق هاجمه و طبعا اللى نشر الخبر جريده فقدت مصداقيتها عند الجميه بع إكتشاف نفاق خالد صلاح و ملاكها إبن صفوت و إبن ممدوح عباره. إلا إذا كانت حمله للحرب على عيسى. كمان مهاجمتك لزميل و إنسحابك عشان مشتمتش يورى مستوى أخلاقك. العتاب قبل الهحوم من شيم الكرام الأشراف
ردحذفده حقك ولو مرجعتوش يبقي تفضل ساكت علي طول
ردحذفحقك تقدم البرنامج
وحاول تتفاوض مع ابراهيم عيسي علي الاقل ممكن تقدم يومو ويوم لو هو برنامج يومي
أكيد لو الفكرة هى فكرتك حقك تدافع عن حقك..دى ملكية فكرية .. بس عندى ملحوظة .. ابراهيم عيسى وشادى اتصلوا بيك عشان الفكرة .. يعنى هما عندهم اصلا فكرة برنامج الى هو موضوعه يتلخص فى كلمة التراس..واتصلوا بيك فعلا ..رغم انهم حسب كلامك فيه خلاف سابق وتركك للجريدة.. كنت افضل ان الخطوة الاولى متكنش الكلام فى المدونات والاعلام وانك تكلم ابراهيم عيسى او شادى.. وتحاول تفهم ..ومتعتمدش فى كلامك على خبر منشور فى اليوم السائع..ولو الكلام او الرد معجبكش كنت تكتب وتعمل الى انت عايزه ..
ردحذفبص يا جيمى بغض النظر يعنى وان يقولك اليوم الساقع كداب والكلام الفاضى ده وان الخبر هيطلع كدب فى الاخر
ردحذفاديك يا ابنى بردو كسبان ومش غلطان هتقلى ليه؟
منعت سرقة فكرتكوكمان اعتقد
عيسى هيتكسف على دمه
وعشان يطلعك انت كداب هيلغى البرنامج مثلا
المهم بقى اتاكدلنا من حد حبيبك
فى الاعداد والانتاج كده عشان لو لغى البرنامج يبقى الفشخ فشخين
انا متضامن معك جدا ومع رجوع حقك لانك صاحب فكرة تحترم ومحدش كان تطرق ليها قبل كدة انا ضد سرقة الافكار وان شاء الله حقك يرجعلك
ردحذفيا ولاد الحرااااااااميه
ردحذفارفع قضية واطلب حقوق الملكية الفكرية
ردحذفكفاية بلطجة بقى
حتفضل طول عمرك فاشل يا جيمي، و عمال تهوهو على النت إنك عندك أفكار عظيمة و الناس بتاخدها منك وانت فاشل لأنك بتهذي بس من غير شغل و ما بتنفذش حاجة لأنك هايف و مهرج و غاوي دوشة و فضايح إنت لو عايز حقوقك اللي أشك إنها موجودة كنت اتصرفت بالقانون و اتفاوضت بهدوء لكن لأنك عارف إن الموضوع هايرسي على مفيش لأن مفيش سرقة أساسا في عصر الأناركية و مشاعية الأفكار الجوجلية على الانترنت قلت تفقعهم فضيحة من فضايحك و خلاص ولو انت اناركي كنت ترفض حقوق الملكية الفكرية إنما انت مزيف و مفتعل و بتدور على مكاسب وهمية
ردحذفمش عايزين نحكم علي ابراهيم عيسي قبل ظهور الحقيقة كاملة .... بس لو الوضع كده يبقي كلنا معاك يا جيمي
ردحذفتعليق بس لأبن الحمارة اللى داخل يقول اناركية ... هى الاناركية يا روح امك ان الرأسماليين ياخدوا الافكار و يشتغلوها تجارى و يفشخوا الناس و الناس تقعد تضحك انت اهبل يا ابنى و لا حمار من بتوع الدستور ؟
ردحذفو بمناسبة انى بهذى على النت و مش بعمل حاجة .. طب يا ريت كل الناس تهذى ذى الهذى بتاعى هاهاهاها .. انتوا مرضى بجد رسمى
و بطلوا شغل التعليقات فى المدونات دة يا شراميط الدستور علشان كنتوا بتعملوه قدامى
الاستاذ الشاب الفاضل سارق فكرة صديقك جيمى هودعايز اقولك يكفيك عاراً انك سارقاً فلا تجمع كل الخطايا فتكون سارقًا وقليل الأدب سليط اللسان فتقول لمن ظلمته وسرقت فكرته و هو أحسن منك وانت اكثر أهل الدنيا كلها متأكد انه أحسن وأشرف منك تقول له حين يستغيث طالباً حقه السليب بالنص ( خليك هَوهَو كده على النت ماحدش هيسأل فيك ) وأبشرك إن لم ترُد الحق لصاحبه فإن عاجلا أو آجلا سنراك مظلوما سُلِب منك حقك وتهَوهَو مثله ليس على النت فقط بل ستهوهو على النت وعلى الجرائد والصحف الورقيه وعلى القنوات الفضائيه ولكن لن يصدقك أحدا ولن يسأل فيك أحدا حتى أقرب أقاربك حتى يذهب منك عقلك وتهذى فى الطرقات من شدة الظلم كل هذ ناتج عن دعوة المظلوم . إتق دعوة المظلوم فليس بينها وبين الله حجاب . أذكرك أنت الخاسر الوحيد جيمى هود سيأخذ حقه أنا أضمن له حقه عند الله ( ومن أصدق من الله قيلا ) ان لم ترد له حقه الآن فسترده له على رؤوس الأشهاد يوم لا ينفع مالٌ ولا بنون لا تفكر يابنى انى اقول لك كلامى هذا لصالح جيمى هود لا والله ان كلامى لمصلحتك انت فهو رابحاً رابحاً وانت خاسراً خاسراً كلامى خوفا عليك أنت ورب الكعبه ولكنى لا أخفيك سراً أحب كل مظلوم وأريد له الجنه لذا من داخلى اتمنى ان لا ترد له حقه لتكون كمن قال فى حقه رب العالمين ( وإذا قيل له إتق الله أخذته العزة بالإثم ) حتى يأخذ حقه من حسناتك الخالصه ان كان لك حسنات واتمنى ان لا يكون لك حسنات ليلقى على ظهرك من سيئاته وتكون ايها الأبله أدخلته الجنه وهذا هو قمة الفوز وتدخل انت النار بذنوبه وهذا هو قمة الخساره لك صدقنى سنراك قريبا كما تنبأت لك بيدك كوز تجمع به أعقاب السجائر من الشوارع والورق من الطرقات وسيعلم الذين ظلموا أى منقلب ينقلبون. وياريت ماتسمعش كلامى .
ردحذفالمخرج خالد يوسف فى لقاء مع يسرى فوده وقيادة من الاخوان :الآخوان تعمدوا إغفال دور الآلتراس فى الثورة وانا كنت موجود من اول يوم بالتحرير وشايفهم عاملين إيه .. والأخوان انكرو دورهم ونسبوا لنفسهم البطولة وركبوا على الثورة ومش صابرين عشان يحصدوا الغنايم" ... وانا بقول : طب والله كويس ان فى ناس محترمين وما بينكروش دور اللالتراس واعطى الناس حقها بينما اغفلة من يتكسب من هذا سياسيا ... وانا ارى اننا بعد الثورة فى حالة بلطجة سياسية ... وبلطجة امنية ... وبلطجة حزبية ... وبلطجة فكرية ... وهذه إحدى سمات الفترة الانتقالية ... فعادى جدا ان تتسرق لك فكرة برنامج طالما هناك من يقولون ربنا الله ويسرقون جهود الشباب وثورتهم رغم انهم شاركوا بعد ان تأكدوا من ان هذه الثورة ستؤتى ثمارها فلو هؤلاء وضعوا مصلحة الشباب الذى لم يشارك فى الحياة السياسيةما كنوش نزلوا من السفينة مبكرا ليغرق الشباب فى التحرير بهذه الجمعه وينجون هم بمكاسبهم السياسية ومش مهم مصلحة مصر العليا ... كذلك من بلطج وسرق فكرة برنامج التراس مش مهم مصلحة الجمهور الذى من مصلحتة أن يثرى البرنامج من قدم فكرته والمغموس فى هموم والباحث فى ملف الالتراس ولا من مؤسسى الحركة فى مصر ولا من كتب ودافع عنهم بوسائل الاعلام ولا من كتب يوثق للأولتراس وفى العيد من البرامج .. ولا أن يكون صحفى واول واحد كتب بالدستور عن الالتراس ولا من قدم فكرة .. فهذه بلطجة فكرية لا تمت لأخلاق التحرير بصلة .. ففى التحرير كانت الثورةوالثوار والالتراس على الفساد ونظام سارق شعب وفى قناة التحرير سرقة فرد ليتكسب اكثر من فرد ... فهل هذه اخلاق الثورة أو اخلاق التحرير ؟؟وهل سيصمت الالتراس على سرقة واحد منهم ؟؟ يبقوا دول مقراوش فكر الالتراس فى االتوحد وده يدل على فشل برنامج لا يفهم نفسية جمهورة ؟؟ وسقطت قناة التحرير فى ميدان التحرير بالضربة القاضية من الجمهور مبكرا ...
ردحذفeih el araf dah, hatta ibrahim eissa? laa lazem matskotsh.
ردحذفCould u post it as tweet so we could retweet?
best
@khouloudelgamal